رفضت مصافحة باسيل من هي؟ «اللي حابب يعرف مين البنت… أنا هي وإسمي فانيسا بدران»

انتشر فيديو عبر مواقع التواصل الاجتماعي، يُظهر إحدى الطالبات في جامعة «AUL»، وهي ترفض أن تصافح وزير الخارجية والمغتربين في حكومة تصريف الأعمال جبران باسيل، خلال تسلمها شهادتها في حفل تخرج أقامته الجامعة برعايته.

أنا هي وبكل فخر

وردت الطالبة «فانيسا بدران» على إنتقادات تعرضت لها بالأسلوب المعروف لجماعة «التيار» وقالت:

«الي حابب يعرف مين البنت اللي خيبت آمال الوزير جبران باسيل، بحب خبركن بكل فخر ومن دون تردد:

– «أنا البنت اللي ما سلمت ع جبران..

– أنا البنت اللي ما تصورت مع جبران..

– أنا البنت اللي متل ما اعتبرتوها «نتشت» شهادتها من جبران..

– بس قبل ما تعلقوا وتجلجقوها،

– عرفتوا ليش؟

– لأنو ما بيشرفني استلم شهادة نضيفة بتأمّنلي مستقبلي على يد من شارك في صنع الفساد.

– اللي خرب مستقبل كتير غيري.

– وعم بيقول انو عم يسعى لتأمين مستقبلنا.

– وعم يوهمنا بأشغال كتيرة ومستقبل باهر».

– وأضافت: «أنا ما سلمت مش لاستهزىء بالوزير،

– ما بالي صراحة بيوم تخرجي استهزىء بحدا..

– بس يا ناس أنا حرة، وأنا هيك برتاح،

– يعني كان ناقصني بعد جبران يعكرلي مزاجي،

– بس شكلي أنا اللي عكرتلو مزاجو لهلقد مأثر،

– والأهم من هيك، إنو أنا فتت بشطارتي وعلاماتي ع الجامعة،

– فيُرجى تصحيح البوست بكل احترام لأنو كرامتي أبدى من إنو وطي نفسي وإترجا إنسان لو مين ما كان،

– كرامتي أبدى من وزيركم ومن حكيو الفارغ

– وكرامتي ما سمحتلي سلم حتى عليه،

– فبعتذر يا جماعة،

– القصة مش بإيدي..

– اللي بريحني عملتو».