حورية وشاعر عند المغيب؟؟؟
الشاعر جورج أيوب…
الشمس آخرة النهار بتغيب
بتشلح ثيابا بالبحري بَرّا
وبعد ما تسبح بموجة طيب
بلحظة خجل بتصير محمرّا
وكانت صبية قبال عين الشمس
تتأمل المنظر بأعجوبة
وعطر البرونزاج من دون لمس
ضج وعطا ابيات مكتوبة
ويمرق فتى حَدّا ويرمي سلام
وطيف المسا ماسك دني بيدّو
بين الفضا وبرداية الأحلام
محتار من أيَّ شمس بَدّو
بجسم حورية الصِّبا حدّو
وصورة شمس بالأفق مزروعا
قلاّ شِعر تا باستو بخدّو
ومن يومها عايش على الأحلام
وعطرها بينام وبيوعى