نسطاس كوشاري، المرشح عن المقعد الأرثوذكسي طرابلس

من وقت ما أعلنت ترشيحي بيسألوني:

شو برنامجك؟

– صراحة؟ ما عندي أيا برنامج إنتخابي.

– بس يلي بقدر أوعدكن فيه هو إنو من عند دخولي للمجلس النيابي رح إفتح مكتب يضم عشرة محامين. هيدا المكتب رح يكون، مجان، بتصرف أي مواطن عندو دعوى قضائية ومنو قادر يدفع تكاليفها.

الكهرباء

أنا ما عندي مشروع بس عندي أحلام. سأسعى على تحقيقها أعطيكن كهربا 42/42.

المرفأ… المعرض

سأسعى على إن «مرفأ طرابلس» و«معرض رشيد كرامي الدولي»   يلعبوا الدور الحقيقي بالإقتصاد اللبناني.

معالجة النفايات

سأسعى على إيجاد معمل لمعالجة النفايات حديث وعلى النمط الأوروبي.

ونخلص من شي إسمو زبالة ومكبات.

أوتوستراد عربي لبيروت

وسأسعى بأتوستراد بحري من ميناء طرابلس لمطار بيروت الدولي.

هيدا مشروع ما بيكلف الدولة ولا قرش لإنو في شركات أجنبية بتعملو بسنة وشهر بعد الدراسة، وتستطيع السيارات الدخول منو عكل المدن الساحلية. وكل ما بدو مواطن يستعملو بيدفع دولار للشركة. وهيك منكون حلينا مشكلة السير جذرياً.

الضمان الاجتماعي

سأسعى لإنهي مشكلة الضمان الاجتماعي من أساسها لإنو كل يوم في 002 و003 مواطن واقفين بالصف قدام كل مركز من مراكز الضمان بلبنان.

والحل؟ نربط كل صيدلية مع الضمان ع الإنترنت لنضبط فواتير الدوا.

الصحة والمستشفيات

بالنسبة للوضع الصحي وللمستشفيات؟ منأمن على مليون ونصف لبناني من دون اسم عند شركات دولية.

أساساً ما في مليون ونصف مليون لبناني بيفوتوا كل يوم على المستشفى، يلي بيمرض، بياخد هالبطاقة وهويتو وبيفوت على المستشفى.

وعندي حلم إنو إسعى لنفرض على كل طالب بدو يفوت على الجامعة، أن يقدم مع إخراج القيد وشهادة البكالوريا، نتيجة فحص دم بتفيد إنو ما بيتعاطى مخدرات.

وكل شهرين يعود فريق من وزارة الصحة يفحص من جديد ليتأكد من هالشي، هيك منلغي حوالي 09٪ من مشكلة المخدرات بلبنان.

وحدة النواب للتنمية

وسأسعى بكل طاقتي، بعد إعلان النتائج، بالسعي ليتضامن كل نواب طرابلس والشمال ويتكاتفوا لعمل تنموي حقيقي لطرابلس والشمال بعيد عن أي غاية سياسية.